ኢትዮጵያ ከግብርና መሪ ኢኮኖሚ ወደ ኢንዱስትሪ መሪ ኢኮኖሚ ለመሸጋገር እንዲሁም የአፍሪካ የአምራች ኢንዱስትሪ ማዕከል ለመሆን ያስቀመጠችውን ግብ ለማሳካት የኢንዱስትሪ ፓርኮች ቁልፍ ፕሮጄክቶች ናቸው፡፡በተጨማሪም መንግስት በነዚህ ኢንዱስትሪ ፓርኮች አማካኝነት ወደ 200,000 ቀጥተኛ እና 500,000 ቀጥተኛ ያልሆኑ የሥራ ዕድሎች ለመፍጠር አቅዷል፡፡በኢንዱስትሪ ፓርኮች ውስጥ የማምረቻ ፋብሪካዎችን ለሚገነቡ የግል ባለሃብቶች የግብር እፎይታ፣ የኢንቨስትመንት ፈቃድ ለማግኘትና ለማከናወን ቀላልና ቀልጣፋ አገልግሎቶች፣ የአንድ መስኮት አገልግለቶች እና ሌሎች ማበረታቻዎች ይቀርባሉ፡፡ አብዛኛዎቹ ፓርኮች በቀላል ማኑፋክቸሪንግ ዘርፍ ላይ ያተኮሩ ናቸው፡፡ተጠሪነቱ ለኢትዮጵያ ኢንቨስትመንት ኮሚሽን የሆነው የኢንዱስትሪ ፓርኮችን ፓርኮች ልማት ኮርፖሬሽን የኢንዱስትሪ ፓርኮችን በመገንባትና ወደ ስራ እንዲገቡ በማድረግ ይቆጣጠራል፡፡ እስከ 13 ኢንዱስትሪ ፓርኮች ወደ ሥራ ገብተዋል ፡፡ለአካባቢ ተስማሚ ሆኖ የተገነባውና ዘመናዊ መሠረተ ልማቶች የተማሉለት የሃዋሳ ኢንዱስትሪ ፓርክ ካሉት ኢንዱስትሪ ፓርኮች ውስጥ ተጠቃሽ ነው፡፡ ግንባታው ሰኔ 2009 ተጠናቆ ወደ ሥራ የገባው ይህ የኢንዱስትሪ ፓርክ እንደ ፒ.ቪ.ኤች ያሉ 18 በዓለም ታዋቂ የአልባሳትና ጨርቃጨርቅ ኩባኒያዎችን መሳብ ችሏል፡፡